Travel. News. Migrants. Economy. Health

Mambabatas, binatikos ang DSWD sa polisiya nito sa pamamahagi ng ayuda


Pinuna ni Anakalusugan Representative Mike Defensor ang Department of Social Welfare and Development (DSWD) dahil sa mga polisiya nitong inilalatag na aniya ay nagdadala sa mga Pilipino sa panganib na dulot ng COVID-19.


Sa unang araw ng imbestigasyon sa emergency subsidy program (ESP), noong Lunes (Hunyo 22), binigyang diin ni Defensor ang polisiya ng DSWD na ayon sa kaniya ay naghihikayat sa mga benepisyaryo na umalis sa kani-kanilang tahanan  at pumila sa mga lugar kung saan sila makakakuha ng ayuda.

"Ang beneficiaries, pinapapunta sa barangay para mag-apply [sa Assistance to Individuals in Crisis Situation (AICS)  program]. Eh COVID-19 nga. Paano mo papaalisin mga tao, mag-apply sa barangay, para makakuha ng suporta?" tahasang sinabi ni Defensor.

"Yung pinakainiiwasan natin at punto ng [ESP] na hindi magkahawa-hawa ang tao, 'yun po ang naging problema. Nagkaroon tayo ng isang polisiya ng distribution na nagdidikit-dikit 'yung mga tao," dagdag pa nito.

Paglilinaw naman ng DSWD magkaiba ang AICS at ESP program. Gayunpaman, sa orihinal na  4-step distribution process na inilabas noon pang Marso, sinabi ng ahensya na ang mga benepisyaryo ng ESP ay tatanggap ng ayuda na ipamamahagi ng mga opisyal sa pamamagitan ng "house-to-house basis."

Ang imbestigasyon sa DSWD ay inihain ng mga mambabatas sa pangunguna ni Alan Peter Cayetano upang siyasatin kung bakit nagkaroon ng delay sa pamamahagi ng ayuda para sa milyon-milyong Pilipino na lubos na naapektuhan ng krisis.
Share:

1 comment:

  1. unfair ang pamamahagi nila my mga nbgyan nga karamihan wala...lalo nasa gcq area d na nila sinali ngyn kmi ngdudusa gcq nga kmi pero ngyn karamihan sa lugar nmin lockdown d kmi makakilos ibalik na lng sa normal ang lahat para d umasa unfair kau dto smin region 2 ang hirap ng sitwasyon nmin dhil sa nag uwean maraming positive gcq lockdown asan katarungan jn gutom kmi mahihirap mga cnungalin kau!!!!!

    ReplyDelete

Search This Blog

Popular Posts

Labels

Blog Archive