Travel. News. Migrants. Economy. Health

Handa ang DSWD sa imbestigasyon kaugnay ng delay distribution ng SAP


Handa umano ang Department of Social Welfare and Development (DSWD) sa isasagawang imbestigasyon ng mga mambabatas kaugnay ng delay na distribusyon ng ayuda mula sa emergency subsidy program (ESP), ayon sa isang opisyal, Huwebes (Hunyo 18).


"Ginagalang ng DSWD ang mga legislators ukol sa kanilang intensyon na siyasatin ang naging delay ng implementasyon ng [ESP]. Para sa DSWD, ang pagsisiyasat ay isang pagkakataon upang tumugon sa mga katanungan ng mga mambabatas at maipaliwanag ang mga proseso na isinagawa upang mapanatili ang integridad ng programa," sabi ni DSWD Undersecretary Rene Glen Paje.

Dagdag pa ni Paje, bukas din ang ahensya sa mga posibleng rekomendasyon  ng mga mambabatas para sa ikabubuti ng pagpapairal ng programa.

Noong Hunyo 15, ay naghain ang mga House leader sa pangunguna ni Speaker Alan Cayetano, ng House Resolution No. 973, na layong imbestigahan ang naging implementasyon ng DSWD sa ESP partikular na sa Social Amelioration Program (SAP).

Nakatakdang mag-umpisa ang imbestigasyon sa mga naganap na delay sa cash aid program ng gobyerno sa Lunes, Hunyo 22.
Share:

No comments:

Post a comment

Search This Blog

Popular Posts

Labels

Blog Archive