Your daily dose of updates from Pinoys in Taiwan and Philippines

Lalaking namboso umano, pinagbubogbog at pinagulungan ng tricycle


Matapos umanong mahuling namboboso, pinaulanan ng suntok, sabunot at tadyak, at saka ipinasagasa sa tricycle ang isang 20 anyos na binata sa Bayambang, Pangasinan nito lamang Hulyo 20.


Sa isang video na nag-viral sa social media, makikita ang isang lalaki na walang saplot habang nasa itaas ng puno. Pinagsusundot ito  gamit ang kahoy at saka ginulpi ng mga rumespondeng tao kasama ang kapitan at ilan pang opisyal ng baranggay.

Ayon sa mismong kapitan, matagal ng sakit sa ulo sa kanilang lugar ang binata at nababahala siya bilang lider ng kanilang baranggay na baka mauwi ang pamboboso sa panggagahasa. Sa katunayan, sa loob ng dalawang taon, 10 reklamo ng paninilip na raw ang inihain sa kanilang tanggapan.

Pinabulaanan naman ng biktima ang naging paratang sa kaniya. Kwento niya, napadaan lamang siya  at naaktuhan na hubo't hubad.

Bwelta naman ng kaniyang ina, dapat din daw kasuhan ang kapitan na kasamang nanggulpi sa kaniyang anak sa halip na kausapin at dalhin sa presinto. Nakahanda naman umano ang opisyal na harapin ang ano mang isasampa sa kaniya.
Share:

1 comment:

  1. Second tranche ncr manila ruby ros ask lng po sn kng may aantayin pb kmi d2 na mga nkatanggap nung una

    ReplyDelete

Popular Posts

Blog Archive