Your daily dose of updates from Pinoys in Taiwan and Philippines

Sino ang mga karapat-dapat na maging miyembro ng 4PS o Pantawid Pamilyang Pilipino Program?

Hindi na magiging kwalipikado ng Department of Social Welfare and Development (DSWD) ang lampas isang milyong benepisyaryo ng Pantawid Pamilyang Pilipino Program (4Ps) para sa inilaan na tulong ng gobyerno, ayon kay DSWD chief Erwin Tulfo noong Lunes.

Ang mga naka-waitlist o ang mga nais maging kwalipikado para sa programa ay mabibigyan ng pagkakataon na humalili sa kanilang lugar.

Ayon sa Official Gazette, upang maging karapat-dapat para sa programa, dapat matupad ng mga aplikante ang mga sumusunod na kinakailangan:

-Mga residente ng pinakamahihirap na munisipalidad, batay sa 2003 Small Area Estimates ng National Statistical Coordination Board

-Mga sambahayan na ang kalagayang pang-ekonomiya ay katumbas o mas mababa sa provincial poverty threshold

-Mga sambahayan na may mga anak 0 hanggang 18 taong gulang at/o may buntis na babae sa oras ng pagtatasa

-Mga sambahayan na sumasang-ayon na matugunan ang mga kundisyon na tinukoy sa programa

Sinabi ng social department chief sa isang panayam na nakita nilang kailangan nilang linisin ang listahan ng 4Ps para mabigyan ng pagkakataon ang mga nasa waiting list na maging benepisyaryo ng programa at tanggalin ang mga hindi na kwalipikado o ang mga anak na nakapagtapos na ng pag-aaral.

Sinabi niya na 4.4 milyong recipients ang kasalukuyang nakikinabang sa tulong ng gobyerno.

Share:

No comments:

Post a Comment

Popular Posts

Blog Archive