Your daily dose of updates from Pinoys in Taiwan and Philippines

Estudyanteng inalis sa listahan ng 4PS, nagpakamatay!


Tinapos ng isang senior high school student ang kanyang buhay matapos umanong tanggalin sa listahan ng mga benepisyaryo ng Pantawid Pamilyang Pilipino Program o 4Ps.

Nakabigti pa sa kanilang bahay ang 19-anyos na Grade 12 student sa Barangay New Minarog, Motiong, Samar nang matagpuan sa kanilang kubo bandang alas-7 ng umaga noong Oktubre 14.

Isinugod ng Motiong Emergency Response Team (MERT) ang katawan ng biktima sa Samar Provincial Hospital, subalit idineklara itong dead-on-arrival.

Lumilitaw na tinanggal ang biktima sa 4Ps at nahirapan nang pumasok sa paaralan kaya nagpasyang magpakamatay.

Napag-alamang labis ang pangamba nito para sa kaniyang pag-aaral dahil sa pagkakatangal na nito komo benipisyaryo ng 4Ps.

Sinasabing ang mga kabataang benipisyaryo ng educational program ng 4Ps sa pamamagitan ng DSWD ay hanggang sa idad na 18 anyos lang at awtomatiko na sila ay lalabas na sa programa.

Samantala, inaantabayanan ang komento ng DSWD Eastern Visayas kaugnay sa insidente.

Paalala natin sa lahat na banrayan ang ating mental health. 

Share:

DSWD, may sapat na pondo para sa mga benepisyaryo ng 4PS - Sec Tulfo

Sinabi ni social welfare Secretary Erwin Tulfo na sapat ang pondo para ma-accommodate ang mahigit 700,000 plus mahihirap na pamilya na ibabalik sa ilalim ng Pantawid Pamilyang Pilipino Program (4Ps).

Ang pondo para sa 4.4 milyong pamilyang tumatanggap ng 4Ps ay naibigay na, at ang mahigit 700,000 pamilya ay maibabalik lamang kapag nakumpleto na ng DSWD ang muling pagsusuri sa kanilang patuloy na kwalipikasyon sa programa.

Ang mga hindi pa naibabalik na pamilya ay kabilang sa 1.3 milyong benepisyaryo na dapat ay aalisin sa listahan ng 4Ps matapos makapagtapos sa kahirapan o wala nang mga batang nasa paaralan na makikinabang sa programa.

Sinabi ni Tulfo sa pagdinig ng Senado na sa mga “graduates,” tinatayang 500,000 pa lamang ang na-verify na hindi na kwalipikado sa ilalim ng programa. 

Ang kanilang mga slots, aniya sa mga mambabatas, ay ibibigay sa mga susunod sa linya para sa 4Ps.

Iginiit ni Tulfo na sumasang-ayon siya sa mga panukalang amyendahan ang 4Ps law, habang isinusulong niya ang mas mahigpit na pagpapatupad at pagsunod sa batas.

Bilang halimbawa, itinulak ni Tulfo na tanggalin ang mga benepisyaryo ng 4Ps na gumagamit ng kanilang subsidy para sa mga bisyo tulad ng pag-inom, o “ibinenta” o “pinahiram” ang kanilang mga automated teller machine card na ginagamit nila para ma-access ang subsidy, sa halip na gamitin ang pondo para sa  pangangailangan ng kanilang mga anak na nasa paaralan.

Share:

OFW sa Taiwan, nagpa-tattoo ng huling sinulat na listahan ng grocery ng yumaong kapatid


Naging katatawanan para sa iba ang tatoo na listahan ng grocery. Ngunit para kay Bojo Aquino, isang OFW sa Taiwan, ito ang pinakamagandang masterpiece na kanyang naipalagay sa katawan.

Ang grocery list kasi ang huling mensahe ng kanyang nakababatang kapatid na pumanaw nitong Hunyo lang.

"Kaya lahat po ng mga gusto niya, lahat ng pabili at mga kailangan niya, binibigay ko po lahat sa kaniya. Ini-spoil ko po siya para sa mga paglalambing niya sa akin" saad ni Bojo sa isa g interview sa GMA Regional TV.

"Simula nung nandito ako sa Taiwan, every payday po talaga is siya ‘yung unang nagcha-chat sa akin kung kailan po ako magpapadala, kung kailan ‘yung araw ng padala ko. Tapos maglilista na po ‘yan ng sarili niyang groceries para ipasabay sa mother ko. Every month po consistent po ‘yun" dagdag niya.




Sinabi ni Aquino na na-diagnose ang kanyang kapatid na may bato sa bato noong nakaraang taon.  Bagama't sinabing nagamot ito sa mga sumunod na buwan, sinabi ni Aquino na ang katawan ni JR ay naging masyadong mahina para makagalaw.

Nalaman lang nila na may pneumonia ito.

"JR, kung nasaan ka man ngayon, sana masaya ka na. Masaya na rin kami para sa’yo kasi wala ka nang paghihirap na dinaranas. Mahal na mahal kita, sobrang miss ka na ng kuya," mensahe ni Bojo sa kanyang kapatid.

Courtesy and Photos:  Bojo Dela Cruz Aquino
Share:

Popular Posts